Мөндеш авылында яшәүче ЗАкиров Рүзәл Хабибрахман улының 18 августта 70 яшьлек юбилее.

Олы җанлы, киң күңелле абыебыз! Без сине чын күңелебездән юбилеең белән котлыйбыз. Сиңа гомернең озынын, бәхетнең нурлысын, сәламәтлекнең ныгын телибез. Син безнең өчен бик кадерле.
Җир йөзенең бөтен матурлыгын
Килә сиңа бүләк итәсе.
Дөньядагы бөтен изге сүзне
Һәрберебезнең килә әйтәсе.
Чәчләреңне чал басса да,
Күңелең көр, һаман яшь әле.
Җаның тыныч, тәнең таза булсын,
Кайгы-хәсрәт күрми яшә әле.
Гомер үтсен, әйдә чәч агарсын,
Ә йөрәккә кырау төшмәсен.
Килер көннәреңә тик тазалык
Һәм шатлыклар гына өстәлсен.
Иң изге теләкләр белән Күңгәрдән 
Кадыйровлар гаиләсе.