Газетаның тиражы – 2515

Тагын бер кат рәхмәт! 2014 елда да безнең белән бергә калган газета укучыларыбызга, газета-журналларга язылу барышында таякның юан башын үз җилкәләрендә татыган почтальоннарыбызга, күрше районда яшәп тә, безне үз иткән укучыларыбызга, подписка барышы белән танышып, безнең белән "ут" йоткан хәбәрчеләребезгә.
Бүгенге көнгә тиражыбыз 2515данә булды. Быелгы елда да безнең белән калуыгызга сөенеп туя алмыйбыз. Димәк, сез безне яратасыз, безне укыйсыз, без сезгә кирәк. Ә без үз чиратыбызда, хөрмәтле газета укучыларыбыз, сезнең белән тыгыз элемтәдә булып, сезне борчыган, кызыксындырган сорауларга җавап бирергә тырышырбыз. Көчебездән килгәнчә ярдәм кулы сузарбыз. Бергә-бергә эшләгәндә генә һәр хезмәтнең нәтиҗәсе була.