Этнэ таны

БАРЫНЫҢ БӘРӘКӘТЕ БУЛСЫН!

Соңгы еллар һәммәбезне менә шулай дип әйтергә өйрәтте. Элекке белән чагыштырырга яратабыз, ә чагыштыру һәрвакыт файдага булмый.

"Дусым" хуҗалыгының Бактачы янәшәсендәге басуына баргач та, әнә шулай узган белән бүгенгене ча­гышты­рып алдык. "Масса начаррак быел, яңгырлар юк дип тә әйтеп булмый, ява да, җил булгангамы дым тормый. Көтеп торырга туры килә ", - диләр "КамАЗ" шоферлары якынлашып килүче "Ягуар" белән "МТЗ-1221"гә ишарәләп. "Җитмәсә һәркайсыбызның техникасына прицеп куелган", - дип өстиләр. Шул арада хатирәләр яңара, кем кайчан күпме эшләгән... Ә мин сенаж­­га салынасы массага сок­ланып карап торам, бар да чагыштыруда күренә, диләр. Үзләре начар, дисә­ләр дә, башка хуҗалыкларныкы белән чагыштырганда күз тимәсен, масса калын әле. Биредәге табигатьнең матурлыгын да өстәсәң, күпме көтәргә дә риза бу­лырсың. Ир-егетләрне дә аңлап була, аз йоклап, күп эшли торган чор, ә матурлык тамак туйдыр­мый.

Реклама

16 июньдә чыккан хуҗалык сенажга. Дусым авылының 40 гектарлы басуыннан башлаган­нар. "Анда бер чокыр тутырдык, мондагысын - Кимедәге чокырга ташыйбыз, бу дүртенче басу", - диләр. Күмәк һәм тиз эшләп өйрәнгәннәр, Зөфәр Әгълиев "МакДон"да ура, Рифат Гайнетдинов "Ягуар"да вак­лый, ике "ГАЗ-53"тә Зөл­­фәр Мөхәммәтшин, Әгъ­зәм Галләмов, өч "Кам­АЗ"да - Зөлфәр Галләмов, Иль­яс Халиков, Илфат Гай­нетдинов, бер "МТЗ-1221"дә Гыйния­тул­ла Хәтибул­лин сенаж­га дигән массаны чокырга ташыйлар, алары - дүртәү. Ә анда чиратлашып ике "К-700"дә - Илдар Гыйниятов белән Рамил Мортазин таптап торалар. Иртәнге сәгать 6да эш башлыйлар, "Кайту кичке 8-9 арасы була торгандыр. Ашаталар, техника төзек, озак тотмабыз", - дип ышан­дыралар. Хуҗалык 1 июньнән печәнгә чыгып, 232 гектарда­гы күпьеллык­лардан ху­­җалыкка 420 тонна пе­чән әзерләп куйган, шәх­си ху­җалыкларга бирер өчен 100 гектардагы күпь­ел­лыклар да чабылган. Бүгенге көнгә сенажны да төгәлләгәннәр, "510 гектардан 2880 тонна сенаж булды, көнгә 300 тонна салып бардык", - ди хуҗалыкның баш бухгалтеры Илдар абый. Игелеген кү­рергә язсын.

Автор фотосында сулдан уңга Гыйниятулла Хатибуллин, Рифат Гайнетдинов.

Нравится
Поделиться:
Реклама
Комментарии (0)
Осталось символов: