Этнэ таны

КАЙСЫ ИШЕКНЕ ШАКЫРГА?

"Сәламәтлекне больница һәм социаль яклау оешмаларыннан эзләмәскә, төрле спорт үзәкләре ишеген шакып сорарга кирәк", - дип саный Татарстанның физкультура-спорт оешмасы (ФСО) җитәкчесе Фәридә Сафиуллина. Район инвалидлары, шулай ук оештыручылар һәм кызыксынучылар белән "Чулпан" ял һәм сәламәтләндерү лагеренда узган очрашу барышында республика инвалидлары берләшмәсе җитәкчесе әнә шулай диде. ...Быел да районыбыз...

"Сәламәтлекне больница һәм социаль яклау оешмаларыннан эзләмәскә, төрле спорт үзәкләре ишеген шакып сорарга кирәк", - дип саный Татарстанның физкультура-спорт оешмасы (ФСО) җитәкчесе Фәридә Сафиуллина.

Район инвалидлары, шулай ук оештыручылар һәм кызыксынучылар белән "Чулпан" ял һәм сәламәтләндерү лагеренда узган очрашу барышында республика инвалидлары берләшмәсе җитәкчесе әнә шулай диде.

...Быел да районыбыз аша инвалидлардан торган җиңел автомобильләр колоннасы үтте. Чистай, Яшел Үзән, Саба һәм Казанда яшәүче мөмкинлеге чикле 13 кеше 3 машинада республика районнары буйлап "Автопробег"ка чыкканнар. Коляскада хәрәкәтләнүче яңа танышым, өстәл теннисы һәм чаңгыда узышу буенча Татарстан чемпионы Раил Галиәкбәров әйтүенчә:

- Максат - сәламәт яшәү рәвешен пропагандалау. Үрнәк алсыннар. "Физик мөмкинлекләре чикле булса да, уңышка ирешәләр. Димәк, бу мөмкин", дип, шуңа омтылсыннар. Спортка тартылсыннар... - ди ул.

Ә 4 паралимпиадада катнашып, Туринда чемпион исемен яулаган Ирина Полякова:

Реклама

- Тормышның кайберәүләр уйлаган дәрәҗәдә начар түгеллеген күрсәтергә телибез... Аннан соң, Казанда болай да кеше күп. Районнарга чыгарга булдык, - дип шаяртып алды. Сүз уңаеннан, спорт бәйгеләрендә яулаган 23 медаленең бер өлешен, шулай ук Россия һәм Татарстан Президентлары белән төшкән фотоларын да алып килгән иде. Очрашуда медальләрне күтәреп, авырлыгын чамалап, тагып караучылар да булды.

ФСО җитәкчесе фикеренчә, мак­сат­ла­ры изге: "Мөмкинлеге чикле­ләр яшә­е­шенә җитәкчелек игътибарын тарту".

Татарстанның инвалидлар хәрәкәте моннан 20 ел элек үк эшли башлаган. Бу өлкәдә без, кызганычка каршы, мактана алмыйбыз. Фәридә Сафиуллина да:

- Гадәттә, бик актив яки инвалидлар яшәеше белән бәйле берни эшләмәүче районнарга барабыз. Сезне кайсы категориягә кертергә соң? - дип мөрәҗәгать итте. Ярый әле, районның яшьләр эше, спорт һәм туризм комитеты белән мәдәният бүлеге җитәкчелеге каршы алып, күңелләрен күреп йөрде. Тик аларга, аңлавымча, җитәкчелек түгел, ә инвалидлар, аларның оешмасы, шулай ук гади халык белән очрашу, аңлашу, сөйләшү кирәк. Сәламәт яшәү рәвешенең өстенлеген җиткерергә телиләр. Әнә бит, ФСО җитәкчесе нинди нәтиҗә ясады:

- Киләсе елга тагын киләбез. Мөгаен, инвалидларның адресларын алып, өй саен йөреп чыгарбыз!

Нравится
Поделиться:
Реклама
Комментарии (0)
Осталось символов: