Этнэ таны

Олы Бәрәзәдә янгын чыгып, 85 яшьлек бабай вафат булды

"30 көн эчендә өченче тапкыр электр чыбыгы белән бәйле рәвештә янгын чыкты", - дип уфтана күзәтчеллек бүлеге хезмәткәре Артур Рәхмәтуллин.

Реклама

27 ноябрь көнне иртәнге 5 тулырга 20 минутлап кала, янгын бүлегенә Олы Бәрәзәдән хәбәр килә. Фаҗига авылга читтән кайтып яши башлаган Таҗетдиновлар гаиләсендә чыга.
Счетчик аткач, әле мәктәптә укучы малайга утны ялгарга кушалар. Ул ялгый, ә счетчик кабат ата. Шулай берничә тапкыр кабатлана. Шунда ул көек исе сизеп, бу хакта әбисенә әйтә. Ә әбинең борыны ис сизми - "насморк". Карт бабасы караватта йоклый. Шулай да тирә-якка күз салалар, веранданы да ачып карыйлар. Бу вакытта веранданы ут чолгап алган була. Моннан чыгып булмасын аңлагач, хуҗабикә баланы тәрәзә аша чыгарып җибәрә. Ул арада үзенең дә хәле китә. Тәрәзәгә килеп салына. Йөгереп килгән авылдашлары тартып алалар. Соңыннан билгеле булганча, веранда яна, ә өй ягы исән-сау кала. Тик ис, ялкын эсселеге эчкә дә үтеп керә, күрәсең. 85 яшьлек бабай кеше вафат була...
Янгынның сәбәбе билгеле, бу һәрберебезгә дә электр чыбыкларын тагын бер кат карап, тикшереп, кирәк булса алыштырырга этәргеч. "Аннан соң булыр әле"гә ышанып, соңга калмыйк. Ә бу очракка бәйле рәвештә, күзәтчеллек бүлеге хезмәткәренә ияреп, чираттагы тапкыр уфтанырга гына кала.

Теги: янгын
Нравится
Поделиться:
Реклама
Комментарии (0)
Осталось символов: