Этнэ таны

ҮЗЕНЧӘЛЕКЛЕ БӘЙГЕ

Пенсия фонды мәгълүматларына караганда, районда 370 инвалид яши, шуларның 60ы балалар. Алар арасында дөньяга чыгып йөри алмаучылары да бар. Инвалидларның үзләрен кеше арасында тигез тоюларына ирешү максатыннан, районның ветераннар советы, социаль хезмәт күрсәтү үзәге, мәгариф, мәдәният бүлекләре, үзәк музей дирекциясе, "Әтнә таңы" газеты редакциясе, җирле хакимият бәйге-күргәзмә игълан итә. Инвалид...

Пенсия фонды мәгълүматларына караганда, районда 370 инвалид яши, шуларның 60ы балалар. Алар арасында дөньяга чыгып йөри алмаучылары да бар. Инвалидларның үзләрен кеше арасында тигез тоюларына ирешү максатыннан, районның ветераннар советы, социаль хезмәт күрсәтү үзәге, мәгариф, мәдәният бүлекләре, үзәк музей дирекциясе, "Әтнә таңы" газеты редакциясе, җирле хакимият бәйге-күргәзмә игълан итә.

Инвалид кешеләрнең күбесе өйдә кул кушырып кына утырмый, озын көннәрне, йокысыз төннәрне, сызланган урыннарны, борчыган уйларны аз гына да булса басу, тынычлану өчен шөгыль табарга тырыша. Шушы бертөрлелектән чыгу, үз ишләре белән очрашып аралашсын өчен уйланылган бу чара. Бәйгегә үз эшләре белән барлык инвалидлар да катнаша ала. Ничекме? Монда халык арасында милли традицияләрне саклау, яңарту, үстерү күз алдында тора, шуңа да, татар милли орнаментында ясалган курчаклар, татар әкиятләрендәге геройлар, экспозицияләр, җәнлек, кош-корт чучелолары, аларны агачтан, балчыктан, башка әйберләрдән ясалган скульптуралары, чигелгән йорт эче бизәнү әйберләре, өс-баш киемнәре, паннолар, агачтан ясалган тормыш кирәк-яраклары, йорт җиһазлары, урам, йорт тирәсен бизәү, матурлау өчен тимер-калайдан, агач-фанерадан ясалган фигуралар...

Экспонатларга таләпләр: миллилелек, зәвыклылык, эчтәлеклелек, төгәлләнгән булу. Арадан иң яхшыларына Республика күргәзмәләрендә катнашу мөмкинлеге булачак. Бәйге тәмамланганнан соң, теләгән кеше үзләренең эшләрен музейга тапшыра ала, анда алардан күргәзмә стенд ясалачак.

Бәйгедә катнашырга теләк белдерүчеләр авыллардагы социаль хезмәт күрсәтүче хезмәткәрләргә, ветераннар советлары рәисләренә, укытучыларга, авыл җирлегенә хәбәр итеп, үзегезнең нинди эш белән катнашуыгызны әйтергә кирәк, эш күләме чикләнмәгән. Бәйгене йомгаклау өлеше июньдә, Бөтендөнья балаларны яклау көне кысаларында районның үзәк музеенда булырга тиеш. Монда җиңүчеләр, җиңелүчеләр булмаячак, барлык конкурсантларны дипломнар, истәлек сувенирлар көтә, шулай ук концерт программалары, төрле уеннар оештыру каралган. Сорауларыгыз булса 2-18-20 телефонына шалтырата аласыз.

Реклама

Нравится
Поделиться:
Реклама
Комментарии (0)
Осталось символов: