Каракны эзлиләр

Габдулла Тукай исемендәге Әтнә авыл хуҗалыгы техникумының лаборатория корпусында урнашкан металл шкафтан ноутбук урлаучы да моны яхшы уйлардан эшләмәгән. Узган елның декабрь ахыры – быелның 21 гыйнвары чорында кылынган әлеге җинаять буенча Эчке эшләр бүлегендә эш ачылган. “Ноутбук урлау нәтиҗәсендә уку йортына 44 мең 970 сумлык матди зыян килгән. Әлеге эш буенча тикшерү дәвам итә”, – дип хәбәр итә Эчке эшләр бүлегенең Өлкән дознавателе Айсылу Нигъмәтҗанова. Без капчыкта озак ята алмас, очына чыкмый калмаслар, билгеле. Әмма күрәләтә торып укыту процессында кирәкле әсбапка кул сузырга ничек кулы барды икән каракның?