“Мин кинематографиягә гашыйк”

   -Кинофестивальдән алган тәэсирләрне әйтеп кенә бетерерлек түгел, Аллага шөкер, искиткеч  булды бу чара.  “Мулла” фильмы  - минем икенче фильмым, беренчесендә  “Ак чәчәкләр” дә төшкән идем. Икесе дә минем өчен бик якын, алар ярдәмендә мин кинематографиягә гашыйк булдым. Бу фестивальдә минем  студент вакытта булганым бар иде, әлбәттә, ул чакта  гади тамашачы буларак кына. Менә  инде икенче ел мин бу фестивальдә кинога төшүче буларак   катнашам , бу - минем өчен әйтеп бетергесез шатлык, - ди Әтнә дәүләт драма театры артисты Гүзәл Гафарова.