25 августка һава торышы

25 августта Татарстанда алмашынучан болытлы һава торышы булачак. Төнлә һәм иртән кыска вакытлы яңгыр явачак, яшен булуы ихтимал, кайбер районнарда томан төшәчәк. Көндез явым-төшемнәр көтелми. Төньяк-көнбатыштан уртача тизлектә, яшен вакытында 15-20 метр тизлектә көчле җил исәчәк. Төнлә һава температурасы +13..+18˚, көндез +24..+29˚ градус.

Кимүче ай, ай кучкар йолдызлыгында.

Кура җиләген, карлыганны, крыжовникның, зелпене яңарту һәм форма бирү өчен ботакларын кисәргә кирәк. Җимеш агачларының төбенә компост һәм янган тирес чәчү өчен иң кулай вакыт. Дәлия чәчәкләренең тамырларын беренче кыраулардан саклау өчен төбенә туфрак өяргә мөмкин.

Чыганак: https://intertat.tatar/news/weather/24-08-2021/25-avgustka-ava-toryshy-m-ay-kalendare-5834937