Һава торышы бозылуы турында кисәтү

Иртәгә, 5 июльдә, Татарстанда һава шартлары бозылырга мөмкин. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

Республика буенча урыны белән яшен булырга мөмкин. Шул вакытта көньяк-көнбатыштан искән җилнең тизлеге секундына15-20 метрга кадәр җитүе ихтимал. Көндез давыл вакытында җилнең тизлеге секундына 23 метрга кадәр җитәргә һәм боз яварга мөмкин.

Аерым алганда ,Казанда яшен вакытында җилнең тизлеге секундына 15-20 метрга кадәр булуы фаразлана. Татарстан башкаласында давыл булу ихтималы аз, әмма боз яварга мөмин.

Чыганак: https://tatar-inform.tatar/news/ecology/04-07-2020/tatarstan-sinoptiklary-davyl-m-yashen-turynda-kis-t-5754406