Синоптиклар Татарстанда ялларда +30-35 градуска кадәр эссе булачагы хакында кисәтте

ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр иткәнчә, якындагы өч көндә Татарстанда аязучан болытлы һава торышы булачак, явым-төшем көтелми, температура +35 градуска кадәр күтәреләчәк.

16 майда көндез температураның +30, +35 градуска кадәр күтәрелүе көтелә. Җилнең тизлеге көчәйгәндә секундына 15-20 метрга кадәр җитәчәк.

17 майда төнлә минималь һава температурасы +12, +17, республиканың көнбатыш районнарында +21 градус тәшкил итәчәк. Көндез температура шулай ук +30, +35 градуска кадәр күтәрелә.

18 майда төнлә минималь һава температурасы шулай ук +12, +17, көнбатыш районнарда +21 градус тәшкил итәчәк. Көндез температура +30, +35 градуска кадәр күтәреләчәк. Җил көньяк-көнчыгыштан һәм көньяктан исә, талгын. 

Чыганак: https://tatar-inform.tatar/news/ecology/16-05-2021/sinoptiklar-tatarstanda-yallarda-30-35-graduska-kad-r-esse-bulachagy-hakynda-kis-tte-5823398