Синоптиклар татарстанлыларны яңгыр һәм боз явачагы хакында кисәтте

(Казан, 30 июль, «Татар-информ»). Иртәгә, 31 июльдә, Татарстан Республикасы территориясендә янә һава шартлары бозыла. Урыны белән яшенле яңгыр һәм боз явачак. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Һава торышы иртәгә көндез һәм кич начараер дип көтелә. Җилнең тизлеге көчәйгәндә секундына 19-24 метрга кадәр җитәргә мөмкин.

Чыганак: https://tatar-inform.tatar/news/society/30-07-2020/sinoptiklar-tatarstanlylarny-ya-gyr-m-boz-yavachagy-hakynda-kis-tte-5760270