Татарстан синоптиклары буран һәм көчле җил турында кисәтә

Иртәгә, 25 февральдә, Татарстанда һава шартларының начарлануы көтелә. 

Иртән һәм көндез республиканың көнбатыш районнарында, Казанны да кертеп, буран көтелә. Моннан тыш,секундына 15-18 метрга кадәр көчле җил булачак, дип хәбәр итә ТР Гидрометеорология үзәге.  

Элегрәк «Татар-информ» Татарстанда аномаль салкыннар 25 февральгә кадәр сакланачак, дип хәбәр иткән иде. 

Чыганак: https://tatar-inform.tatar/news/ecology/24-02-2021/tatarstan-sinoptiklary-buran-m-k-chle-il-turynda-kis-t-5808685