Озакламый ачылачак

Һәм ул озакламый сафка басып, балалар кабул итәчәк.

Бүгенге көндә балалар бакчасы булачак бу бина төзелеп бетеп килә. Аның тәрәзәләре дә куелган, кыскасы, монда эш кайный. 

- Ноябрь аенда балалар бакчасы файдалануга тапшырылыр, дип уйлап торабыз,- ди Күңгәр авыл җирлеге башлыгы Гөлназ Гарипова.

Элекке балалар бакчасына 22 бала йөргән. Ә авыл җирлегендәге балалар саны, Аллага шөкер, аз түгел. "Бу санга тагын бер 10- 12 бала өстәлергә мөмкин, диләр авыл җирлеге белгечләре.

Исән-сау булсыннар, балалар бакчасының да игелеген үзләренә күрергә насыйп булсын.