Аллаһы куәтен җәлләмәсен Сезгә!

Синдәй, миндәй халык барда,
Авыл үлмәс, җырлап яшәр ул.
Сез үстергән икмәк һәр табынны
Бәрәкәткә төреп ямьнәр ул.
Синдәй, миндәй халык барда,
Авыл үлмәс, җырлап яшәр ул.
Һәрбер нигез, һәр йорт, һәр хуҗалык,
Муллык күреп, гөрләп яшәр ул!

"Авылның тырыш егетләре, басуларда заманча техника белән ару белми, көчләрен кызганмый хезмәт куялар. Ә без, үз чиратыбызда, сенаж чокырына салып, яхшылап тапталган сенажны, һәрдаем, әзер булган саен каплау эшләрендә катнашабыз.
Инде егетләребез үзебезнең авыл басуларындагы сенажның эшен тәмамлап, күрше республика - Мари иленә чыгып киттеләр. Эшләрегездә уңышлар егетләр! Аллаһы куәтен җәлләмәсен Сезгә", - дип хәбәр итте Олы Мәңгәр авылы клубы җитәкчесе Гөлсинә Шакирова.