Әтнә таңы

Бодайның һәр гектарыннан 87 центнер уңыш суктыралар

Агымдагы елда Бәйрәкә авылы игенчеләре Ростовтан алып кайткан бу югары сыйфатлы бодайны беренче тапкыр үстерде.

(Ютазы, 26 июль, «Татар-информ», «Ютазы таңы», Ильмира Галиева). Ютазы районының «АгроМир» җәмгыяте механизаторлары 120 гектарда игелгән уҗым бодаен суктыра башлады. Игенчеләр Рәфис Насыйров һәм Ришат Фәррахов комбайннары белән контроль суктырып карау игеннәрнең һәр гектарыннан уртача 87 центнер бөртек чыгуын күрсәтте. Бу турыда район басмасы хәбәр итә.

Агымдагы елда Бәйрәкә авылы игенчеләре Ростовтан алып кайткан бу югары сыйфатлы бодайны беренче тапкыр үстерде. Өстәмә сыйны мулдан алган, корткычларга һәм чүп үләннәренә каршы химик яклау чаралары үз вакытында күрелгән басу бүген мул уңышы белән сөендерә.

Реклама

Кыр башында комбайннар эшләвен күзәтеп торган «АгроМир» җәмгыяте җитәкчесе Сирин Галиевның шатлыгы йөзендә балкыды. Һәр гектардан уртача 87 центнер ашлык туплау күренеше әле моңа кадәр Ютазы районы тарихында юк иде.

Ильмиира Галиева

Чыганак: https://tatar-inform.tatar/news/agriculture/26-07-2020/yutazy-tarihynda-berenche-tapkyr-bodayny-r-gektarynnan-87-tsentner-u-ysh-suktyralar-5759327

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: