Әтнә таңы

Гаилә фермер династияләре конкурсына гаризалар кабул итү дәвам итә

Авылда яшәү һәм эшләү-ул үзенчәлекле тормыш рәвеше.

Яраткан эшендә үз сәләтен кулланган  хезмәт кешеләре хөрмәткә лаек. Хезмәткә һәм туган җиргә мәхәббәтне буыннан-буынга тапшыручылар тагын да зур хөрмәткә лаек. Нәкъ менә алар өчен Татарстан Республикасы Авыл хуҗалыгы һәм азык - төлек министрлыгы Татарстан Республикасы Хөкүмәте ярдәмендә «Татарстан Республикасының Гаилә фермер династиясе» республика конкурсын оештырды.

      Әлеге бәйгедә җиңүчеләр 100әр мең сум акча алачак. Конкурста бер гаилә әгъзалары һәм аларның туганнары (КФХның кимендә 2 башлыгы) катнаша ала, алар 2 буыннан ким булмаган һәм гамәлдәге крестьян – фермер хуҗалыгы статусына ия. Крестьян-фермер хуҗалыгы башлыгы беренче буын дип таныла.

Конкурс сайлап алуы критерийлары булып тора: - КФХ әгъзалары һәм даими хезмәткәрләр саны (КФХның һәр әгъзасы һәм даими хезмәткәр өчен 1 балл); - гаилә фермер династиясенең шәхси эшмәкәрләренең дәүләт реестрында теркәлүнең гомуми срогы (ел саен 1 балл).

Шунысы мөһим: КФХның салымнар буенча бурычлары булырга тиеш түгел. Гаризалар һәм документлар Татарстан Республикасы Авыл хуҗалыгы һәм азык-төлек министрлыгы тарафыннан 2020 елның 17 гыйнварына кадәр түбәндәге адрес буенча кабул ителә: 420014, Татарстан Республикасы, Казан шәһәре, Федосеевская урамы, 36 йорт, 3 кат, 309 кабинет эш көннәрендә 9.00 сәгатьтән 16.00 сәгатькә кадәр. Белешмәләр өчен телефоннар: (843) 221-67-53, 221-76-55.  Грант бирү тәртибе һәм документлар рәвешләре турында тулырак мәгълүмат түбәндәге http://agro.tatarstan.ru/  буенча урнаштырылган.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: