“Кыен саналса да, шартлар уңай”

“Таң” күмәк хуҗалыгының Кышлау терлекчелек комплексында булып, биредәге эш шартлары белән таныштык.

– Бүгенге көндә бездә 2180 баш савым сыеры бар. 5 октябрьгә көнлек тулай савым 54035 кг һәм план буенча 1 баш сыердан тәүлеклек савым 35,09 кг тәшкил итә, – ди баш зоотехник Реваль Гәрәев.

Шунда ук тырыш савымчылар белән таныштырырга ашыга. Биредә барысы 18 савымчы: алтышардан өч сменада көч куялар. Терлекләрне ашату режим белән башкарыла, аларга бертөрле азык һәм тиешле өстәмәләр белән бирелә.

“Таң” җитәкчесе Алмаз Сибагатуллин белән дә шул хакта әңгәмә тоттык. Сүз уңаеннан, озак еллар эшләгән, алдынгы савымчыларны да телгә алдык.

– Бәхәссез, безнең савымчылар барысы да тырышлар. Әйтик, Гөлнара Сафинаны аерым телгә алырга була, – диде ул.

Тулырак газета битләрендә.