Татарстан – ил лидеры
Россия хөкүмәте вице-премьеры Виктория Абрамченко Татарстанның сөт җитештерү өлкәсендә, ә гомумән алсак, илнең азык-төлек куркынычсызлыгын тәэмин итүдә иң мөһим төбәк саналуын билгеләде.
Бу хакта “Татар-информ” агентлыгы хәбәр итә. “Илнең биш төбәгендә – Башкортостан, Алтай, Краснодар, Ростов, Воронеж өлкәләрендә сөт җитештерү 1 миллион тоннадан артык. Ә Татарстан Республикасында 2 миллион тоннага якынлашты”, – дип билгеләде ул үз чыгышында. Ә Әтнә районы республикада әйдәп баручы район санала. 16 мартта Татарстан буенча көнлек тулай савым 3810 тонна тәшкил итсә, шуның 8 процентка якыны – 300 тоннадан артыгы Әтнә өлеше. Өстәвенә, бер сыердан савып алган тәүлеклек сөт күләме 30 килограммга якын! Горурланырлыгыбыз бар.
Следите за самым важным и интересным в Telegram-каналеТатмедиа
Нет комментариев