Югары Сәрдә: туксан елда халык саны сигез тапкырга кимегән

Югары Сәрдә авылында бүгенге көндә 200гә якын кеше яши.Авыл җирлеге башлыгы Рәшит Хөснетдинов сүзләренә караганда, 1930нчы елгы “Хуҗалык кенәгәсе”ндә монда шәхси хуҗалыкларның күп бу­луы, шулай ук авылда халыкның да күп яшәве турында әйтелгән. Бүгенге белән чагыштырырлык та түгел, әлбәттә. Хәтта ул чор өчен дә тирә­якта шактый зур саналган бу авыл.  Әйтергә ки­рәк, заманында Югары Сәрдә авылы ике мәчетле булган, җир ле базар да эшләгән. Кай­бер кешедән: “Авыл зурайсын өчен базар эшләп тору кирәк шул”, дигәнне ишетергә туры килә – бәлки, дөрестән дә шу­лайдыр ул?!
Ә бүгенге көндә яңа мәчетле, әмма “әнә заманда ук” югары­да телгә алган ике мәчеттән әвәләнеп төзелгән һәм инде авария хәлендәге, эшләмәүче, җимерелеп баручы мәктәпле, иске клублы, шул клубның бер почмагында китапханә оеш­тырылган, ә элекке китапханә бинасында авыл җирлеге ур­нашкан авыл ул. Әле мон­да авыл башындагы чүп үлән нәре арасында утыру­чы Сталинградның “Павлов йорты”н хәтерләткән иске фер­ма торакларын да искә алсаң, кү ңеле нечкәрәк кеше, валлаһи, утырып еларга да мөмкин. Бик кызганыч хәл, әлбәттә. Шуңа күрә яшьләрнең каядыр читкә, Казанга һәм башка шәһәрләргә китүе гаҗәп тә түгел. Әле ярый авыл буйлап Орнашбаш башын­нан Коркачыкка таба асфальт юл уза. 
Шулай да төшенкелеккә би­релмиләр биредә. Авыл халкы ихлас тырыша, авылны яшәтү өчен көч куя. Бу очракта авыл халкының авыл җирлеге баш­лыгын чын күңелдән хөрмәт итүен дә аерым ассызыклар­га кирәк. Бу уңайдан авыл халкы 67 меңсум акча җыйнаган, хөкүмәт аңа 268 мең сум өстәп, барлык акча 335 мең сум тәшкил иткән. 
Әлбәттә, кешене авылда ни ләр эшләнгәнлек кызык­сындыра. Биредә зират чис­тартканнар, зират коймасына дип материаллар кайтарыл­ган, шулай ук авыл эчендә ма­шинада элдерүчеләрне кисәтү йөзеннән дип аңлыйк, махсус юл билгеләре алып кайткан­нар. Монда “Поворот”, “Ограни­чение скорости”, “Уступи доро­гу” билгеләре урнаштырылган.
Югары Сәрдә авылы клу бы­ның бер өлешендә ки тап ханә урнашкан дигән идем, шунда ук авылдашлары, ТРның атка­занган хезмәткәре, режиссер, артист Камил Саттар музее да урын алган. Алдагы планнары зурдан! Яктыга, яхшыга өметләнәләр биредә.  1930нчы елгы “Хуҗалык кенәгәсе”ндә  мондагы 360 шәхси хуҗалыкта  1600 кеше  яшәве турында  әйтелгән.