Бөек Җиңүнең 75 еллыгы
Арча - Әтнә хәрби комиссариаты фронттан килгән хатларны барлый
Сандык төпләрендә бик кадерләп саклана торган хатлар бар - фронттан килгән хатлар алар.
Арча-Әтнә хәрби комиссары Алмаз Әгъзәм улы Борһанов район халкына мөрәҗәгать итә.
- Өйләрегездә фронттан килгән хатлар сакланса, безгә күчермәсе булса да ярый, безгә дип әзерләп куегыз әле. Коронавирус бетми калмас, хәрби комиссариантка китерсәгез, бик яхшы булыр иде. Бу хатларны дөньяга чыгарырга телибез, аларның урыны музейда булырга тиеш, - ди Алмаз Әгъзәм улы.
Мин аның белән килешәм. Бу хатларда - безнең тарих. Әти-бабалар батырлыгы югалырга тиеш түгел. Арчага бара алмасагыз, Әтнә таңына китерә аласыз. Тапшырырбыз.
С.Мингатина фотосы
Следите за самым важным и интересным в Telegram-каналеТатмедиа
Нет комментариев