Районда ВИЧ вирусын йөртүчеләр бар
Һәр ел саен май аеның өченче якшәмбесен барлык дөнья халкы СПИДтан үлүчеләрне искә алу көне буларак билгеләп үтә. Быел ул 19 майга туры килде. Шул уңайдан республикада 14 майдан 19 майга кадәр "Тукта ВИЧ/СПИД” исемле акция узды. Бу уңайдан безнең Әтнә районында хәлләрнең торышы ничек икәнлекне белү өчен табиб эпидемиолог Азат Гыймадиевка мөрәҗәгать иттек.
Майда Бөтендөнья СПИД корбаннарын искә алу көне билгеләп үтелә. Әлеге дата һәр елны майның өченче якшәмбесендә билгеләнә. Аның максаты - СПИДтан үлүчеләрне искә алу, бу куркыныч авыруны йоктыру юллары, аннан саклану чаралары хакында кешеләргә искәртү. Мәгълүм булганча, СПИД - дәвалап булмый торган чир. Шуңа да аннан саклану бик мөһим....
Әлеге дата һәр елны майның өченче якшәмбесендә билгеләнә. Аның максаты - СПИДтан үлүчеләрне искә алу, бу куркыныч авыруны йоктыру юллары, аннан саклану чаралары хакында кешеләргә искәртү. Мәгълүм булганча, СПИД - дәвалап булмый торган чир. Шуңа да аннан саклану бик мөһим.
Районыбызда бүген 5 кеше ВИЧ вирусын йөртә. Шөкер, бездә бу чирдән үлүчеләр юк.
Статистика мәгълүматларыннан күренгәнчә,
Россиядә көн саен 200 ләп кеше СПИД йоктыра. Авыру кешедән-кешегә күбесенчә стериль булмаган медицина инструментларыннан файдалану аркасында һәм җенси мөнәсәбәт юлы белән күчә.
Күпләр бу чир миңа кагылмас, дигән фикердә тора. Әмма республикадагы эпидемиологик хәл моның киресен исбатлый, - Татарстанда бүгенге көндә ВИЧ-инфекция белән авыруның 20183 очрагы теркәлгән. 1987 елдан алып, бүгенге көнгәчә аннан 4562 кеше, шул исәптән СПИдтан 912 кеше вафат булды.
Әлеге инфекцияне йөртүче җир шарындагы миллионлаган кешеләрнең яртысы 15-29 яшьлекләр. Әгәр бу афәт тамырына балта чаба алмасак, киләчәктә ул әйтеп бетергесез кыйммәткә төшәчәк. Шуңа күрә дә һәкайсыбыз бу мәсьәләгә җитди карарга, сакланырга тиеш. ВИЧ инфекциясенең наркотик препаратлар кулланганда, тиешенчә эшкәртелмәгән инструментлар белән татуаж, пирсинг ясатканда, башкаларның кырынгычын, шәхси гигиена әйберләреннән файдаланганда эләгү куркынычы зур. Тәртипсез җенси тормыш алып баруның да ахыры күңелсез төгәлләнергә мөмкин - дөньяви статистика СПИДның 70-80 проценты шул юл белән йогуын күрсәтә. Инфекциянең авыру анадан балага күчү ихтималы зур.
Вич диагнозы ул әле үлем дигән сүз түгел. Кандагы вирус кешенең җитди авырулы булуын күрсәтә, вакытында диагноз куелганда, кеше гомерен озайтып була, махсус дәвалану билгеләнә. Инфекция тиз генә беленмәскә дә мөмкин, шуңа күрә дә тикшерелеп торырга кирәк.
Май аенда безнен хастаханәдә дә СТОП ВИЧ/СПИД акциясенә ачык ишеклэр кене игълан ителә. Анкета тутырып һәм канны тикшеру оештырылачак.
Азат Гыймадиев,
табиб-эпидемиолог.
С.Мингатина фотосы
Следите за самым важным и интересным в Telegram-каналеТатмедиа
Нет комментариев