Коронавирус вакытында су керү куркынычмы?

Быел коронавирус шартларында су коену куркыныч түгелме? Бу хакта галимнәр, белгечләр дә фикер алыша.
Роспотребнадзорның эпидемиология тикшеренүләр институты молекуляр диагностика үзәге белгече Михаил Лебедев белдергәнчә, коену сезонында коронавирус йоктыру ихтималы кими. Аның сүзләренчә, COVID-19 кеше күзәнәкләрендә яши, шуңа да аның әйләнә-тирә мохиттә яисә өслектә яшәве бик чикле.
− 30 градустан һәм аннан да югарырак эсседә вирус үзенең йогышлы активлыгын югалта. Шулай итеп, эссе көннәрдә контактлы юл белән йоктыру ихтималы бик аз, ләкин һава-тамчы юлы кала бирә, − дигән ул “Российская газета”га биргән интервьюсында.
Ачык сулыкларга килгәндә, аларда бактериаль инфекцияләр йоктыру ихтималы күбрәк, дип искәртә белгеч. Эчәк инфекцияләре, А гепатиты, паразитлар һәм башка шундый төр авырулардан куркырга кирәк.

Фото: ru.depositphotos.com

Автор: Миләүшә Латыйпова

Чыганак: https://kiziltan.rbsmi.ru/