Пекин шәһәрендә тагын да йогышлырак коронавирус барлыкка килгән

Пекиндагы күпләп сату базарында табылган SARS-CoV-2 коронавирусы варианты, Ухандагы диңгез продуктлары базарыннан таралганына караганда, йогышлырак, күрәсең. Бу хакта «Хуаньцю шибао» газетасына биргән интервьюсында Ухань университетының медицина бүлегенең Вирусология институты профессоры Ян Чжаньцю хәбәр итте, дип хәбәр итә РИА Новости.

«<...> минемчә, “Синьфади“ базарында табылган SARS-CoV-2 коронавирусы Ухандагы “Хуанань“ базарында булганына караганда йогышлырак», – диде тикшеренүче. Шуңа бәйле рәвештә, галим Уханда вирусның салкын вакытта кешеләрне интенсив рәвештә зарарлый башлавына игътибар итте, шул ук вакытта Пекинда  таралган вирус җәйге чорда югары температура булганда килеп чыкты. Шул ук вакытта Ян Чжаньцю хәзерге вакытта Кытай инде шактый тәҗрибә туплавын һәм Covid-19 таралышына каршы көрәшү өчен нәтиҗәле механизмнар эшләвен билгеләп үтте. Хәер, вирусолог сүзләренчә, вирусның яңа кабынулары һәм төрләре барлыкка килү тикшеренүләрне һәм вакциналар эшләүне кыенлаштыра.
Чыганак: http://chistopol-rt.ru/

Фото http://pixabay.com