Бүген китапханә хезмәткәрләре һөнәри бәйрәмнәрен билгеләп үтәләр

Әлеге дата РФ Президенты Указы тарафыннан 1995 елда гамәлгә куела.

Бүгенге көндә районыбызда 14 китапханә эшләп килә. Компьютер, телефон, айфон, смартфон, хәер шуның ише технологияләр чәчәк аткан заманда яшәсәк тә, китапханәләргә сукмак өзелми.

Район үзәк китапханәсе дә коронавирус вәзгыятеннән соң, кабат ишекләрен ачты. Сагынылган китап исе, китап җене кагылучылар. китапханәгә килә дә башладылар. Тик, бер тик бар. Бирегә бары тик санитар таләпләрне үтәп, китап укучыларны бары тик берәмләп кенә кертәләр.