Зиратны бик чиста тоталар

Зиратыбыз бик чистарды, бик күп эшләнде бу уңайдан, диделәр.

Күңгәр авылы имамы Рубис хәзрәт билгеләгән нигездә, Түбән Шашы зираты халәте өчен Газиз Вәлиев җаваплы икән. Шунысы кызык, авыл халкы арасында ихтирамы бик зур аның, арадан берәү хәтта: “Аның кебек эшне тиешенчә оештырган, башкарган кешене башка белмим”, - диюче дә булды.

Бәхәссез факт, коронавирус вәзгыяте белән бәйле рәвештә, зиратны өмә оештырып җыештыру ярамый. Моны Газиз Вәлиев үзе һәм ул билгеләгән график нигезендә башкаралар, дип аңлаттылар.