Татарстан мөфтие республика мәчетләрендә дөньяга тынычлык сорап дога кылырга чакырды

Мөфти Камил хәзрәт Сәмигуллин Татарстан имам-мөхтәсибләренә республика мәчетләрендә дога кылып, Аллаһы Тәгаләдән дөньяга тынычлык һәм иминлек сорарга чакырды.

ТР Диния нәзарәте матбугат хезмәте хәбәр итүенчә, бүген, мөбарәк җомга көнендә, имамнар, җәмәгатьне ияртеп, җомга намазыннан соң Раббыбыздан Россияне һәм Татарстанны кайгы һәм афәтләрдән саклавын, Ватаныбызга иркен һәм мул көннәр бирүен сораячаклар. 

Чыганак: https://tatar-inform.tatar/news/religion/25-02-2022/tatarstan-m-ftie-respublika-m-chetl-rend-d-nyaga-tynychlyk-sorap-doga-kylyrga-chakyrdy