Иҗат
Ялгыз карчык Ләхәүләсен пышылдады...
Ай тотылганын карап гаҗәпләндек. Тагын да гаҗәбе, бу тотылган айны фотога төшерүчеләр әлеге фотоны якынайтып карагач, сурәттә "Аллаһ" сүзен дә укып була, диделәр.
Ай тотылган төндә
Күкләр үксез калган мизгел -
Соң тәүбәләр шушындадыр.
- Тилмертәләр!.. -
Ялгыз карчык
Ләхәүләсен пышылдады.
Юаттылар: куркыныч юк,
Күләгә ул бары! Имеш...
Күкне аңлау мөмкинме соң,
Җиргә тамыр җәйгән килеш?!.
Шом капшады чормаларны,
Тәрәзләрдән күрде үзен.
Тел очында көрмәкләнде
Онытылган изге исем...
Бармак янап узды Берәү -
Имеш, җирнең күләгәсе!..
Саклап калды (белмәдек тә!)
Бер карчыкның ләхәүләсе...
Гөлүсә Батталова
Следите за самым важным и интересным в Telegram-каналеТатмедиа
Нет комментариев