«Яшик әле кул бирешеп»

«Заманнар авыр», диеп
Еш кабатлап әйтәбез.
Моң-зарларын  
сөйли-сөйли,
Тупасланып бетәбез.
Нигә әле кайчакларда
Тәкәбберле йөзебез.
Күңелләрне җәрәхәтли
Авыр, ямьсез сүзебез.
Исәнләшми, игътибарсыз
Бик тиз узып китәбез.
Дөнья куып, әхлак сүзен
Онытып бетерәбез.
Эре генә, теләмичә
Сөйләшәбез үзара.
Нигә әле җаныбызны
Мәрхәмәтсезлек баса?
Яшик әле кул бирешеп
Дус булып, тату гына.
Тормышларның кадерен белеп,
Кояштай балкып кына!

Фоточыганак: https://pixabay.com/ru/photos/пожатие-руки-рукопожатие-руки-3091908/