Әтнә таңы

Торак-коммуналь хуҗалык хезмәтләре өчен бәя арта

1 июльдән, гадәткә кергәнчә, коммуналь хезмәтләргә бәяләр арта.

Татарстанның Тарифлар буенча дәүләт комитеты рәисе Александр Груничев журналистларга хәбәр иткәнчә, күпфатирлы йортларда яшәүчеләр каты көнкүреш калдыклары өчен 89,8 сум, шәхси йортларда көн күрүчеләр 97,4 сум түләячәк. Газның бер кубометры өчен 5,72 сум түләү алыначак. Электроэнергия дә артмый калмый, әлбәттә. Аңа тариф 3 сум да 93 тиен күләмендә билгеләнгән, электр плитәсеннән файдаланучы авыл халкы һәм шәһәрдә күпфатирлы йортларда яшәүчеләр 2 сум 77 тиен түли башлый.

Реклама

Тарифлар арту бер нәрсә, халыкның су, ут, газны күпме куллануына да игътибар итәргә кирәк. Акчаны бераз янга калдыру өчен исәпләү приборларыннан куллану хәерле. Татарстанның төзелеш, архитектура һәм торак-коммуналь хуҗалык министрының беренче урынбасары Алексей Фролов шуны киңәш итте. Югыйсә нормативлар белән түлисе була. Куллану нормативы исә фатирда ничә кеше яшәвенә бәйле. Шулай ук сантехниканы да дөрес куллану зарур. Пандемия торак-коммуналь хуҗалык тармагына да тәэсир итми калмаган. Сәнәгать предприятиеләре эшләми торгач, хезмәт күрсәтү оешмалары да ябык булгач, су һәм электр энергиясен куллану кимегән. Узган ел белән чагыштырганда, апрель һәм май айларына республика буенча торак-коммуналь хезмәтләр өчен түләү 3 процентка кимегән. Татарстан буенча җыелган сумма 300-400 млн сумны тәшкил итә. Июнь аенда түләү дисциплинасы яхшырган. Министр урынбасары моны балалы гаиләләргә дәүләт ярдәме күрсәтелү белән бәйләп аңлата.

Чыганак: http://shahrikazan.ru/news/sotsial-tormyish/torak-kommunal-khualyk-khezmtlre-chen-bya-arta

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: