Әтнә Гүзәле «Татар кызы» бәйгесендә 3 урын яулады

 Арча педагогия көллияте базасында Татарстан Республикасының урта һөнәри белем бирүче уку йортлары укучылары арасында узган "Татар кызы" бәйгесенең финалы узды. Анда төрле уку йортларыннан килгән 10 кыз көч сынашты.

Әтнә техникумының 1 курсында икътисад юнәлеше буенча укучы Насыйриева Гүзәл дә конкурска зур әзерлек белән барды. Нәтиҗә сөендерерлек - Гүзәл "Татар кызы" бәйгесендә 3 урын яулады!

Аны һәм остазлары Зөлфидә Насыйрова, Габделәхәт Шакиров, Гөлчирә Зарипова-Иманкулованы тәбрик итәбез.