Айрат Фәнил улы Каюмов котлавы

Хөрмәтле райондашлар! Ихлас күңелемнән Сезне якынлашып килүче Яңа 2022 ел белән котлыйм. Киләсе ел алдагы елларга караганда уңышлырак, яхшырак, мулрак булсын иде – минем теләгем шул. Саулык-сәламәтлек һәркайсыбызга. Аллаһка шөкер, районыбыз ның ирешкән эш нәтиҗәләре куанычлы. Бу райондашларыбызның фидакарь хезмәтләре бәрабәренә ирешелде. Әнә шул ирешелгәннәрне югалтмыйча, яңадан-яңа үрләр яулап эшләргә, яшәргә язсын. Гаиләләребезгә иминлек телим. Гаилә – җәмгыятьнең аерылгысыз өлеше, димәк, гаиләдә тынычлык булса һәм тәртип булса, җәмгыятьтә дә тәртип булыр. Ә иң мөһиме – киләсе елда якыннарыбыз белән янәшә булып, бер-беребезнең кадерен белеп яшәсәк иде. Кайгы- хәсрәтләр безне урап узсын. Бәйрәмнәр мөбәрәк булсын!