Әтнә таңы

Баласыз кешеләргә ничә сум салым түләтергә тәкъдим иттеләр?

«Аналар советы» оешмасы бала тапмаган кешеләргә — ир-атларга да, хатын-кызларга да өстәмә салым түләтү тәкъдиме белән чыкты.

«Аналар советы» рәисе Татьяна Буцкая Россиядә баласызлыкка салым кертергә кирәк дип саный. Бу турыда ул «Говорит Москва» радиосы эфирында сөйләгән. РИА Новости шул хакта язды.

«Аңлы рәвештә бала табудан баш тарткан кешеләр турында әйтәбез. Яратмыйлар икән, салым түләсеннәр, яратмауларын дәвам итсеннәр. Я балаларны ярата һәм бала таба, я балаларны яратмый һәм яратмаганы өчен салым түли», — ди ул. 

Реклама

Буцкая сүзләренчә, бу салым хатын-кызларга да, ир-атларга да кагыла. Медицина күрсәтмәләре буенча бала тудыра алмаган кешеләргә әлеге кагыйдә кагылмый. «Бу — гаҗәеп зур демографик чокыр» аркасында кирәкле чара. 

Аның фикеренчә, ай саен 500 сум салым түләтү кулай булыр. «Карьера төзү, үзең өчен яшәү, сәяхәт итү һәм белем алу өчен шундый түләү гадел булыр», — дигән Буцкая.

Чыганак : https://intertat.tatar/news/kadak/20-10-2020/bala-yaratmasa-t-li-balasyz-keshel-rg-nich-sum-salym-t-l-terg-t-k-dim-ittel-r-5778258

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: