Берәү дә читтә калмый

Районда мөмкинлеге чиклеләр ункөнлеге дәвам итә. Әлеге ункөнлек кысаларында район мәктәпләрендә сыйныф  сәгатьләре, мәдәният йортларында төрле чаралар: очрашулар, концертлар уза. Ункөнлек кысаларында һәр мөмкинлеге чикле райондашыбызга барып җитәргә, ярдәм кулы сузарга тырышалар. Һәр елдагыча Әтнә татар дәүләт драма театры бинасында чара узды. Театр коллективы мөмкинлеге чикле райондашларыбызга спектакль күрсәтте.