Декрет акчасын берничә эш урыныннан алырга мөмкин булачак

Дәүләт Думасына аналарга берничә эш урыныннан декрет акчасы алу хокукы турында проект кертелде. Проектның авторы Думаның Хезмәт, социаль сәясәт һәм ветераннар эшләре комитеты әгъзасы Светлана Бессараб. Бу хакта РИА Новости хәбәр итә.

Проект нигезендә,«Вакытлыча эшкә яраксызлык очрагына һәм ана булуга бәйле рәвештә мәҗбүри социаль иминиятләштерү турында»гы законга үзгәрешләр кертелергә мөмкин. Әгәр хатын-кыз берничә урында эшли икән, бала карау буенча пособиене дә берничә эш урыныннан ала алачак.

Чыганак: https://tatar-inform.tatar/news/politics/23-04-2021/dekret-akchasyn-bernich-esh-urynynnan-alyrga-m-mkin-bulachak-5820906