ИГЪТИБАР – юлларда олы яшьтәгеләр!

Олы кешеләрнең  иң беренче чиратта күрү һәм ишетү сәләте начарлана. Алар якын­лашып килүче транспорт тавышын ишетмиләр. Юл кырыеннан барганда яи­сә юл аша чыкканда күрү сә­ләте начар булу сәбәпле, бу катлам еш кына тән җә­рә­хәтләре ала яки үлеп тә ки­тәргә мөмкин.
Өлкән яшьтәге кешеләр юл­ларда кайчак югалып та калалар. Физик яктан көч­ләре җитмәү дә юлда дөрес хәрәкәт итүгә комачаулык итәргә мөмкин. Шунысы да бар, өлкән яшь­тә­геләр еш кына заманча шартларда яңалыкка бик озак ия­ләшәләр. Үзләрен сак­лау өчен, өл­кән кешеләр та­рафыннан тү­бәндәге ка­гый­дәләр үтә­лергә тиеш:
* Юлны бары тик җә­яү­леләр кичүе буенча гына узарга кирәк.
* Җәяүлеләр кичүе алдыннан  адымны тизләтергә, юл аркылы чыгарга ашыгырга кирәкми. Шул ук вакытта транспортның торышын һәм хәрәкәтен игътибар белән күзәтеп торырга кирәк.
* Тәүлекнең караңгы вакытында яки күрмәү шартларында юлда йөргән вакытта киемдә яктылык кайтаручы элементлар кулланырга кирәк.
* Тротуарда ашыкмыйча йөрергә киңәш ителә, моның өчен вакыт җитәрлек булсын  дип, өйдән алдан чыгарга кирәк.
Машина йөртүчеләр өчен киңәшләр:
* Өлкән кешеләр еш кына игътибарсыз була­лар. Шуңа күрә, алар ав­то­мобильнең сигналын ишеткәндә, югалып калырга һәм артка борылырга мөмкиннәр. Шуңа да олыларга карата игътибарлы булырга кирәк.
• Автомобильнең тавыш сигналына кеше ут яктысына караганда биш-җиде тапкыр тизрәк реакция ясый. Әмма өлкән яшьтәге кешеләр кагыйдә буларак, ишетми калырга да мөмкиннәр. Шуңа да тизлекне киметү зарур.
Алсу Сафиуллина,  Әтнә-Биектау районнары буенча юл куркынычсызлыгы хезмәткәре бүлеге