Иске Өҗем авылында «Нугай» тавында «ТизЛәгән» тау шуу фестивале

Фестивальдә төрле уеннар белән беррәттән халкыбызның онытылып барган милли уеннарына да өстенлек бирелде. Бәйрәмебезгә тагын дә ямь өстәп, фестивалебезнең махсус кунагы Миндияр Шәймәрдәнов чыгыш ясады. «Нугай» тау башы ул көнне балаларның шатлыклы чыр-чу тавышыннан, олыларның рәхәтләнеп, дөньяларын онытып тау шууыннан гөрләп торды. Көне дә искиткеч матур булды, халык та күп килде һәм бик яратып, чын күңеленнән ял итте!