Әтнә таңы

Итле запеканка

КИРӘК: 500 г. иттарткычтан чыгарылган ит, 1 кило чамасы бәрәңге, 3 зур баш суган, 200 г. шампиньон гөмбәсе (аны салмасаң да була), 1 йомырка, сыр.

ӘЗЕРЛӘҮ: Бәрәңгене әрчеп, тозлы суда пешереп алабыз һәм үз суында төябез, бик сыек булмасын. Суганны ваклап турыйбыз яртысын ит белән кыздырып алабыз, ә калган яртысын туралган гөмбә белән кыздырып алабыз. Гөмбәле суганны бәрәңгегә кушып болгатабыз. Запеканканы "җыя" башлыйбыз. Аска - бәрәңгенең яртысын тыгызлабрак, аннан итне, аннары тагын бәрәңге җәябез. Араларына үзегез теләгәнчә тоз сибәргә дә онытмагыз. Запеканканың өстенә яхшылап тугланган йомырка сыларга һәм сыр уарга, сырның күләме үзегез теләгәнчә, күбрәк булса, әлбәттә тәмлерәк инде. 180 градуслы газ мичендә якынча 30-40 минут пешә.

Реклама

Автор Рәфиә Шәмсетдинова

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: