«Каникулда китап белән»

Уку – ул буш вакытны файдалы үткәрү генә түгел, ә хәтерне яхшырту, күзаллауны киңәйтү һәм дөрес язарга өйрәнү чарасы да.

Китап балага дөньяны ача. Китап кайгырырга, шатланырга, хисләрне аңларга өйрәтә. Ә өлкәннәрнең бурычы – сабый күңелендә әлеге кыйммәтле сәләтне уяту, тәрбияләү һәм ныгыту.
Һәр елдагыча үзәк балалар китапханәсе йоласын дәвам итеп, җәйге каникул вакытында иң күп китап укучыларын билгеләп үтте. Укучыларга грамота һәм истәлекле бүләкләр тапшырылды.
Янәдән матур, эчтәлекле китаплар укып белем дөньяларын тагын да баетуларын теләп калабыз.