Казанда татар һәм рус телләрендә шәһәр тарихы турында сөйли торган автобуслар йөри башлый
Аудиогид проекты ел азагына кадәр шәһәр автобусларында яңгыраячак.
Республика көнен бәйрәм итү уңаеннан Казан мэриясе иртәгә аудиогид проектын башлый. Проект шәһәр тарихы турында татар һәм рус телләрендә кызыклы тарихи-мәдәни аудиогид һәм автобусларның тематик бизәлешен үз эченә ала.
Мэрия матбугат хезмәте аңлатуынча, аудиогид №2, №6, №90, №91 (өчешәр автобус) маршрутларының 12 автобусында яңгыраячак. Маршрутларны сайлау юлның озынлыгы һәм автобусның шәһәрнең төрле өлешләрендә йөрүе белән бәйле. Пассажирлар урам исемнәре, топонимнар, уникаль урыннар һәм шәһәрнең ландшафты, парк, һәйкәлләр, тарихи биналар турында белә алачак.
Салон эчендә автобуста үз-үзеңне тоту кагыйдәләре, транспортта файдалану өчен кирәкле татарча фразалар һәм аларның рус теленә тәрҗемәсе тәкъдим ителә. Тулаем аудиогидны автобусларда урнаштырылган QR-код аша махсус ресурста тыңларга мөмкин булачак.
Аудиогид шәһәр турындагы легендалар, халыкның гореф-гадәтләре, вакыйгалар, истәлекле урыннар, кызыклы фактлар, күренекле шәхесләр, социаль инфраструктураның мөһим объектлары һәм мәдәният учреждениеләре турында аз билгеле булган мәгълүматны үз эченә ала.
Следите за самым важным и интересным в Telegram-каналеТатмедиа
Нет комментариев