Коронавирустан тагын өч кеше үлгән

Татарстанда коронавирустан тагын өч кеше үлгән. Бу турыда республика Сәламәтлек саклау министрлыгы матбугат хезмәте хәбәр итә.

«Үлем сәбәпләре патологоанатомик экспертиза нәтиҗәсендә ачыкланган. Вирус идентификацияләнгән», — диделәр ведомство матбугат хезмәтендә.

Бу юлы Татарстанда яшәүче 1951, 1941 һәм 1925 елда туган кешеләр вирус корбаны булган. Шулай итеп, республикада пандемия башланганнан алып 161 кеше үлгән.

Чыганак: https://tatar-inform.tatar/news/incident/11-12-2020/tatarstanda-koronavirustan-tagyn-ch-keshe-lg-n-5791953