Әтнә таңы

Мөфти «Хатлар йорты»ның мөселман открыткалары уңышлы килеп чыккан дип саный

Кичә открыткаларны блогерларга һәм журналистларга күрсәттеләр.

Кичә Татарстан Диния нәзарәте журналистлар һәм блогерлар өчен оештырган ифтарда «Хатлар йорты» проектының мөселман открыткаларын күрсәттеләр. Татарстан мөфтие Камил хәзрәт Сәмигуллин аларны уңышлы булган дип саный.

Открыткаларны очрашуда «Татмедиа» АҖ генераль директоры Шамил Садыйков тәкъдим итте. Татарстан мөфтие Камил хәзрәт Сәмигуллин инстаграмдагы сәхифәсендә үз фикерен язып куйган.

Реклама

«Карагыз әле, татарча нинди открыткалар чыга башлаган икән Казанда. Әлеге проектны „Татмедиа“ агентлыгы тормышка ашыра. Рамазан ае уңаеннан биредә мөселман тематикасы белән бәйләп хатлар ясаганнар. Миңа калса, бик уңышлы килеп чыккан. Кардәшләргә җылы сүзләр юллагыз! Открыткаларны www.hatlar.ru кибетендә сатып алырга мөмкин», — дип яза мөфти.

Моңа кадәр «Хатлар йорт» беренче тапкыр мөселман открыткалары чыгаруы билгеле булды. Алар Рамазан аена багышлана. Сериядәге сигез открытканы Сарман районыннан рәссам Алия Йосыпова ясаган.

Чыганак: https://tatar-inform.tatar/news/society/30-04-2021/m-fti-hatlar-yorty-ny-m-selman-otkrytkalary-u-yshly-kilep-chykkan-dip-sanyy-5821689

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: