Нәрсә ашагач канда шикәр микъдары кисәк кенә артып китә?

Медицина фәннәре докторы, профессор, диетолог Алексей Ковалев организмга начар йогынты ясый торган популяр ризыкларны атаган. Бу турыда РЕН ТВ яза.

Канда шикәр микъдарын киметергә теләүчеләргә ак дөге һәм бәрәңге ашамаска киңәш ителә.

«Без системалы рәвештә ашый торган ризыклардан кипкән җимешләрне, җимеш сокларын һәм балны төшереп калдырыр идем», — ди табиб.

Балны бик аз ашарга кирәк, салкын тигәндә чәй белән эчәргә була. Бу ризыкта углеводлар бик күп, биохимик индекс буенча ул шикәргә тиң.

Җиләк-җимеш сокларында «сыек шикәр» күп була. Ул ашказаны асты бизен «туздыра». Кипкән җиләк-җимештә дә шикәр күп була, дип кисәтә табиб.

Чыганак: https://intertat.tatar/news/questions_answers/13-01-2022/n-rs-ashagach-kanda-shik-r-mik-dary-kis-k-ken-artyp-kit-5844988