Октябрьнең соңгы көне нинди булачак?

Синоптиклар Татарстанда октябрьнең соңгы көне болытлы һәм яңгырлы булыр дип фаразлый. Бу турыда Татарстан Гидрометеорология һәм әйләнә-тирә мохитне күзәтү үзәгенең матбугат хезмәте хәбәр итә.

«Аязучан-болытлы һава торышы булачак. Төнлә һәм көндез урыны белән бераз яңгыр яварга мөмкин», диелгән синоптиклар хәбәрендә.

Көньяктан, көньяк-көнбатыштан уртача тизлектә җил исәчәк.

Төнлә һава температурасы -1 градустан алып +4 градуска кадәр була. Көндез +3 градустан +8 градуска кадәр җылыта. 

Чыганак:https://tatar-inform.tatar/news/ecology/30-10-2020/tatarstanda-oktyabrne-so-gy-k-ne-bolytly-m-ya-gyrly-bulachak-5782484