Әтнә таңы

Пуховик якасын чистартуның гади ысулы

Гадәттә, кышкы киемнәрнең якасы бик тиз пычрана.

Өс киеменең тән тиресенә тиеп торган өлеше бик тиз пычрана. Чөнки тиредән май бүленеп чыга һәм тукымага сеңә. Шушы пычракны чистартуның гади ысулы киңәшләр сайтында чыкты.

Савыт-саба юа торган сыеклыкны ярты чәй кашыгы алып, 100 мл су белән кушыгыз, күбекләнгәнче болгатыгыз. Юа торган чара артык исле булмасын, юкса исне бетереп булмас. 

Реклама

Иске теш щеткасы алып, шуның ярдәмендә юа торган чаралы сыеклыкны пуховик якасына ышкыгыз. Аннары биш минут көтеп торыгыз да җылы су белән юып төшерегез. Пуховикны кибәргә куегыз.

Тукыма кипкәч, аңа косметологиядә куллана торган мицеляр сыеклык сөртегез. Яканы мамык диск белән ышку хәерле. Аннары тагын чараны юып төшереп, киптерегез. Мицеляр сыеклыкны кулланмыйча да чистартып була. Бу сыеклык савыт-саба юа торган чара исен бетерү өчен генә кирәк, диелә хәбәрдә.

Чыганак : https://intertat.tatar/news/questions_answers/26-11-2020/puhovik-yakasyn-chistartuny-gadi-ysuly-5787690

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: