Рамил Рафаэль улы Сәфәров котлавы

Яңа еллар мөбарәк булсын, хөрмәтле райондашлар! Яңа елда иң беренче чиратта барыбызга да ныклы сәламәтлек телисем килә. Гаилә тигезлеге телим, парлылар – аерылмасын, парсызлар ярын тапсын иде. Эш урыннарыбыз саклансын, хәләл хезмәт белән тапканыбызның бәрәкәтен күреп яшәргә язсын. Еллар имин булсын, бар яктан да стабиль булсын.

Юлбарыс – бик зирәк, акыллы хайван, шау-шу, гауганы яратмый. Димәк, киләсе еллар да тынычлык белән килер, җитәкчеләребез тарафыннан зирәклек белән кылынган гамәлләргә бай булыр дип өметләнәсе килә.

Яңа ел белән! Якынлашып килүче Юлбарыс елы белән! Яңа шатлык-сөенечләр, казанышлар белән!