Ришвәтчеләр кайда күп?

Бу уңайдан «Татар-информ»да узган матбугат конференциясендә Татарстан буенча Эчке эшләр министрлыгының Икътисади иминлек бүлеге башлыгы Дмитрий Козлов шул хакта сөйләде. Ә сез беләсезме - ришвәтчелектә күбрәк торак-коммуналь хуҗалыгы, мәгариф һәм медицина оешмасы хезмәткәрләре тотыла икән. Балалар бакчалары мөдирләре ришвәтчелектә берничә мәртәбә тотылган. “Кагыйдә буларак, алар акча өчен баланы бакчага урнаштырырга вәгъдә итәләр. Шулай ук  укытучылар һәм хәрби комиссариат хезмәткәрләре дә ришвәтчелектә тотыла”, – диде ул.