Россиядә коронавирустан үлүчеләр саны буенча яңа антирекорд теркәлгән

Оперштаб COVID-19 дан үлүчеләрнең яңа рекордын теркәгән — бер тәүлектә вирустан 867 кеше вафат булган.

Журналистларга коронавирус инфекциясе таралуга каршы көрәш буенча оператив штаб хәбәр иткәнчә, бүгенгә Россиядә әлеге инфекциядән барлыгы 207 255 кеше үлгән.

РИА Новости хәбәр иткәнчә, алдагы максимум (857 очрак) узган көндә теркәлгән.

Мәскәүдә узган тәүлектә 62 үлем очрагы, Санкт-Петербургта — 56, Свердловск өлкәсендә 43 очрак теркәлгән.

Чыганак: https://tatar-inform.tatar/news/health/30-09-2021/rossiyad-koronavirustan-l-chel-r-sany-buencha-ya-a-antirekord-terk-lg-n-5839572