Рөстәм Миңнеханов: Яшьләрне экстремизм һәм террорчылыктан сакларга кирәк

Татарстан Президенты Рөстәм Миңнеханов яшьләрне экстремизм һәм террорчылыктан сакларга чакырды.

Рөстәм Миңнеханов Россия Тикшерү комитеты ТР буенча идарәсенең йомгаклау коллегиясе утырышында билгеләп үткәнчә, террорчылык наркобизнес, корал сату һәм акча үзләштерү белән тыгыз бәйләнгән. «Бу эштә тәвәккәллек кирәк», — диде ТР Президенты.

Рөстәм Миңнеханов Тикшерү комитетына интернет челтәрендә кешеләрне тәртипсезлек һәм чуалышларга чакырган деструктив төркемнәрне күзәтергә кушты.

Чыганак: https://tatar-inform.tatar/news/official/04-02-2021/r-st-m-mi-nehanov-yashl-rne-ekstremizm-m-terrorchylyktan-saklarga-kir-k-5803900