Әтнә таңы

Шассие ябылмаган Казан-Истанбул самолетында Арча мөхтәсибе булган

Төркиягә оча торган самолет Мәскәүгә төшеп утырган.

Шассие ябылмаган Казан-Истанбул самолетында Арча районы мөхтәсибе Әмир хәзрәт Миңнемуллин да булган. Бу хакта «Арча хәбәрләре» газетасы хәбәр итте.

Хәзрәт бу хакта газетага самолет бортыннан 14:40 сәгатьтә хәбәр иткән булган.

«Сезнең сайтта күргән идем, Төркиягә очучы самолет утыра алмаган дип. Без шушы самолетта», — дигән ул.

Реклама

Истанбулга очарга тиешле самолет хәзерге вакытта Мәскәү аэропортына төшеп утырган.

«Әлеге генә төштек. Сезгә фотосын җибәрдем. Бер сәгатьтән Төркиягә китәчәкбез. Арчадан без 3 кеше. Барысын да тыныч кабул итәргә тырыштык, куркучылар да күп иде, әлбәттә. Әмма стюардессалар тынычландырды. Барлык сорауларга җавап биреп бардылар. Башта Казанга утырабыз дигән иделәр. Соңрак Казанга түгел, Мәскәүгә китәбез диделәр. Хәзер менә самолетны алмаштыралар да, сәфәребезне дәвам итәбез, иншә Аллаһ», — дип җавап биргән Әмир хәзрәт «Арча хәбәрләре» газетасына.

Чыганак: https://tatar-inform.tatar/news/incident/05-04-2021/shassie-yabylmagan-kazan-istanbul-samoletynda-archa-m-ht-sibe-bulgan-archa-h-b-rl-re-5817493

фото: http://arskmedia.ru/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: